Heb 1 | ZomZIV | STEP | A beisa hunin Pasian in kamsangte tungtawnin i pu i pa-te tungah lam tuamtuamin thu na gen a,

Hebrews 1

Vansawltakte Sangin Tapa Thupizaw

1 A beisa hunin Pasian in kamsangte tungtawnin i pu i pa-te tungah lam tuamtuamin thu na gen a, 2 ahi hangin hih ni nunungte ah khuavannuai a bawlpa na khempeuh a luah dinga a sehpa, ama Tapa zangin eite tungah thu hong gen zo hi. 3 Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi. 4 Tua ahi ciangin vansawltakte sangin min thupi zawtham a luah mah bangin vansawltakte sangin a thupi zawtham hi.

5 Ahang in, Pasian in vansawltakte kua kiangah,

“Nang ka Tapa na hi hi;
tu ni-in na Pa ka suak zo hi, ^{▼▼1.5 Ahikeh nang kong suang hi} “ ^{▼▼1.5 Ph. 2:7} ci ngei ahi hiam?

Ahikeh

“Kei ama Pa ka hi dinga,
amah ka Tapa ahi ding hi,” ^{▼▼1.5 2Sa. 17:14; 1Kh. 17:13} ci-in gen ngei ahi hiam?

6 Tua banah, Pasian in a ta masa pen leitungah hong paisak ciangin amah in, ^d

“Pasian vansawltakte khempeuh in amah bia uh hen,” ^{▼▼1.6 Tp 32:43 (Tuipi Si laizialte le Septuagint en in)} ci hi.

7 Amah in vansawltakte a gen lai-in,

“Amah in a vansawltakte huihte suaksakin,
ama nasemte, meikuangte a suaksak hi,” ^{▼▼1.7 Ph. 104:4} ci hi.

8 Ahi hangin Tapa thu ah amah in,

“Pasian aw, na kumpi tokhom, a tawntungin om den dinga,
a kumpi-gam ukna sik ciangkhut, thumaanna hi ding hi.
9 Thumaanna it-in, tatsiatna na mudah hi;
tua ahi manin Pasian, na Pasian lungnopna sathau nilhna tawh ^g
na pawlte khempeuh sangin, nang hong tawisang zaw hi,” ^{▼▼1.9 Ph. 45:6,7
,} ⁱ

10 Tua banah zong,

“Topa aw, a tungin leitung bulpite na phut a,
vantungte na khutin na bawl ahi hi. ^j
11 Tuate a kisia ding uh a, nang na om den hi;
tuate khempeuh puan bangin a patkhia ding uh hi.
12 Puantualpi bangin tuate na zialkhia dinga,
puansilh bangin kikheng ding hi.
Ahi hangin nang na kikhel kei a,
kumte a bei ngei kei hi,” ^{▼▼1.12 Ph. 102:25-27} ci hi. ^l

13 Pasian in, vansawltakte kua tungah:

“Na galte khempeuh
na khepekte ngak nadinga ka bawl khit matengin
ka taklam ah na tu-in,” ^{▼▼1.13 Ph. 110:1} ci-in gen ngei ahi hiam?

14 Vansawltakte khempeuh, hotkhiatna luah dingte nasem dinga, kisawl khate hi lo ahi hiam? ⁿ